Në seancën e rradhës të gjyqit të njohur si “ babalja ” u dëgjuan audiopërgjime si dhe dëshmoi Fredi Alizoti i cili akuzohet se ka imituar zërin e Agron Xhafajt, vëllait të ish ministrit të brendshëm Fatmir Xhafaj.
Sipas Alizotit plani u bë që në nëntor të 2017-ës ndërsa stilolapsat për audio përgjimin, Albert Veliut ia ka dhënë ish deputeti Ervin Salianji i cili i kishte premtuar edhe 200 mijë euro.
Po ashtu në seancë u dëgjuan edhe bisedat e Alizotit me ish drejtorin e policisë së Fierit.
Nën akuzë për kallzim të rremë për këtë ceshtje janë edhe ish deputeti Ervin Salianji , gazetari Jetmir Olldashi dhe i njohuri si “babalja” Albert Veliu i cili ka kërkuar azil ne Belgjikë.