Me gjithë numrin më të lartë të jetëve të humbura dhe të të infektuarve, te fqinjët tanë maqedonas, skena e teatrove nuk qëndron e mbyllur. Fundjava ngjiti në skenën e teatrit të Tetovës, për herë të parë, “Opera për tre grosh”.
I ashtuquajturit “normalitet i ri”, ka imponuar rregulla të reja te krijuesit dhe spektatori. “Opera për tre grosh” për Qëndrim Rijanin, një shfaqje me shumë aktorë dhe që në të përfshinte disa gjini të artit, ishte prova që shfaqjet janë të mundura edhe kur “Covid-i” na detyron distancë fizike dhe maska në fytyrë.
Nisur nga eksperienca e tij të bërit art në kohë pandemie, regjisori që krijimtarinë e zhvillon mes Shkupit dhe Tiranës, e sheh të paarsyeshme që e gjithë makineria e aktorëve siç e quan ai të qëndrojnë në shtëpi.
