Në procesin e Vetingut të gjyqtarëve dhe prokurorëve ka patur dhe raste kur ata kanë justifikuar të ardhurat e tyre nga lojërat e fatit. Por studimet thonë se bixhozi stimulon korrupsionin. Është kjo arsyeja pse në kuvend ka mbërritur një sugjerim, që disa figura publike të privohen nga lojërat e fatit.
“Ne i jemi referuar rastit belg. Në Belgjikë prokurorët dhe gjyqtarët nuk lejohen të luajnë në lojëra fati. Ata menaxhojnë para publike, kanë në dorë vendime të rëndësishme ndaj nuk mund të bëhen pjesë e një veprimtarie të tillë. Shumë lojtarë kalojnë në varësi, pra nuk e kanë lojë thjesht për emocion, ndaj dhe ky fakt shoqërohet me efekte sociale në shoqëri”, – u shpreh Henri Telaraj, nga këshilli kombëtare për problemet e lojërave të fatit gjatë një interviste në emisionin E-ZONE.
Sipas Telaraj edhe studentët me bursa apo dhe ata individë me ndihmë ekonomike, nuk lejohet të luajnë. Ligji aktual ka kufizim vetëm moshën. Nën 21 vjeç nuk mund të luash në kazino apo në baste sportive.
