Të mohuar nga regjimi komunist, historianët zbulojnë të vërtetat e ish-sigurimit

Konferenca ndërkombëtare “Te mohuar” nga regjimi diktatorial ka bërë bashkë në Tiranë studiues të huaj e shqiptarë. Qëllimi është interpretimin juridik e historik të fakteve të reja, që kanë dalë me deklasifikimin e disa dosjeve nga autoriteti për informimin mbi dokumentet e ish sigurimit.

Një nga faktet më interesante që zbulon Gjon Boriçi është pohimi nga Byroja politike i dhunës ndaj të burgosurve dhe të internuarve nga  organet e shtetit.

Nuk kanë munguar në këtë konferencë edhe historitë që nisin rrugëtimin në Kosovë e përfundojnë tragjikisht në Shqipërinë komuniste.

Kjo është e para konferencë e këtij lloji në Tiranë, e Autoriteti premton se të gjitha këto fakte të sjellë nga historianët do të shohin dritën e botimit.