Sot është Dita Ndërkombëtare Përkujtimore e Holokaustit. Të mbijetuarit e Aushvicit shënojnë 80-vjetorin e çlirimit. Janë rreth 50 të mbijetuar të kampit që do të kthehen atje për të kujtuar ditën e çlirimit, 27 janar 1945.
Përmes një publikimi në rrjetin e tij social X, Ministri për Evropën dhe Punët e Jashtme, Igli Hasani ka reaguar në lidhje me 27 Janarin, Ditën Ndërkombëtare të Përkujtimit të Holokaustit.
“Në 80-vjetorin e Çlirimit të Aushvicit dhe Ditës Ndërkombëtare të Përkujtimit të Holokaustit, nderojmë gjashtë milionë gra, fëmijë dhe burra hebrenj, të cilët humbën jetën gjatë Holokaustit, së bashku me të tjerë të panumërt që iu rezistuan vuajtjeve të paimagjinueshme.”
Ndër të tjera, Ministri Hasani nënvizon se ky rast na sfidon të gjithëve të mësojmë nga historia, të përballemi me rritjen shqetësuese të antisemitizmit dhe të përpiqemi për një të ardhme të mishëruar nga drejtësia.
“Ky rast solemn na sfidon të gjithëve të mësojmë nga historia, të përballemi me rritjen shqetësuese të antisemitizmit dhe të përpiqemi për një të ardhme të mishëruar nga drejtësia, humanizmi dhe paqja. Nuk do të harrojmë kurrë. Ne përkujtojmë.”
On the 80th anniversary of the liberation of Auschwitz and #HolocaustRemembranceDay, we honor the six million Jewish women, children, and men who perished during the Holocaust, along with countless others who endured unimaginable suffering.
This solemn occasion challenges us all… pic.twitter.com/hbRvGJ9iat
— Igli Hasani (@IgliHasani) January 27, 2025
Në kuadër të kësaj dite, Ministri për Evropën dhe Punët e Jashtme, Igli Hasani, bashkë me krerë delegacionesh nga e gjithë bota, do të jetë sot në Poloni ku do të marrë pjesë në ceremoninë përkujtimore të 80-vjetorit të çlirimit të Aushvicit./vizionplus.tv
