Mund të duket e pabesueshme, por një kurë “magjike” me djathë rugove ka rezultuar tepër pozitive për kancerin.
Këtë e vërteton Shqipe Bajçinca Brestovci, një pedagoge nga Prishtina e cila u diagnostikua me këtë sëmundje të rëndë rreth dy vite më parë. E ftuar në emisonin “Vizioni i Pasdites” në Vizion Plus ajo tregoi se këtë mënyrë kurimi ia tregoi Fitie Nikqi, shoqja që bëri në bjeshkët e Rugovës ku fillimisht shkoi për të ecur në natyrë. Por si e zbuloi kjo e fundit rëndësinë e djathit?
“Unë dal çdo vit në bjeshkët e Rugovës. Kanë ardhur një familje me një fëmijë të vogël nga Norvegjia dhe kanë kërkuar djathin me hirrë taze. Ata pyesnin për çimin që ta merrte fëmija, por unë I thashë merreni dhe provojeni, I kishte thënë doktori në Norvegji për problemet me rruazat e kuqe të gjakut. Ai doctor është shqiptar, që punon atje. Dy ditët e para fëmija nuk e hante djathin por më pas e kërkonte, ishte 7 vjeç dhe prej atij momenti kushdo që ka nevojë mund të vijë të marrë”, tregoi Fitia.
E pyetur nga moderatorja Evi Reçi në lidhje me përgatitjen e këtij djathi ajo u shpreh:
“Duhet me mjel lopën, merr qumëshitin dhe e bën kos. Më pas nxjerr djathin dhe hirrën. Shqipja që ka pasur shumë nevojë ka marrë djathin dhe hirrën.”
