Policia e Tiranës ka vënë në pranga dy persona të shpallur në kërkim për përndjekje të rrjete sociale.
Shtetasi K.M, 34 vjeç, ishte shpallur në kërkim për veprat penale “Përndjekja” dhe “Falsifikimi kompjuterik”.
Ai dyshohet se ka përndjekur ish të dashurën e tij, në rrjete sociale. Gjithashtu, dyshohet se ky shtetas, ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen. Fishekët u sekuestruan me cilësinë e provës materiale.
Ndërsa 28-vjeçari E.P, ishte shpallur në kërkim pasi Gjykata e Tiranës i ka caktuar masën e sigurisë “Arrest në burg”, për veprën penale “Përndekja”, sepse akuzohet se ka përndjekur në rrjete sociale, ish të dashurën e tij./vizionplus.tv
