Igli Tare godet sërish. Drejtori sportiv i Lazios ka mbyllur përfundimisht marrëveshjen për transferimin e Vedat Muriqit në skuadrën italiane.
Sulmuesi i përfaqësues së Kosovës do të firmosë një kontrate 5-vjecare me Lazion nga e cila do të përfitojë 2 milionë euro në sezon. Sulmuesi shtatlartë vjen nga Fenerbahce për 16 milionë euro plus dy të tjera bonus.
Detajet ekonomike tashmë janë mbyllur dhe Muriqi pritet të mbërrijë në fundjave në Romë për të kryer pastaj edhe vizitat mjekësore të hënën më 24 gusht. Fill pas vizitave do të firmoset edhe kontrata.
Kalimi i mbrojtësit të Lazios Bastos tek Fenerbahce nuk u përfshi në këtë operacion, por marrëveshja do të kryhet vecmas dhe italianet do të fitojnë 4 milionë euro nga kjo lëvizje.
Tare me blerjen e sulmuesit gjigand fitoi konkurencen e shumë klubeve, sidomos atyre angleze që e kerkuan aq shumë 26 vjecarin. Ne dy sezonet e fundit ai shkelqeu ne Turqi fillimisht me Rizespor dhe pastaj ne gjigandet e Fenerbahce duke shenuar ne total 40 gola.
Nga ky transferim do të përfitojnë edhe Teuta e Durrësit, dhe Besa e Kavaës për të drejten e formimit të lojtarëve deri në moshën 23 vjec.
