TAP përfundon transportin detar të tubave në Shqipëri
Tap shkarkoi më 16 qershor sasinë e tubave që do të përdoren për ndërtimin e segmentit tokësor të Gazsjellësit Trans Adriatik në vend. Në port u shkarkua nga anija e 15-të, ngarkesa e fundit prej 726 tubash çeliku të cilët vinin nga Gjermania.
Menaxheri i projektit TAP për Shqipërinë, Karl Roberts, u shpreh se shkarkimi i tubave dhe bërrylave ka qenë një operacion i organizuar me saktësi të lartë. Tubat janë transportuar deri në Durrës nga kontraktori i TAP, Salzgitter Mannesmann International GmbH, duke përdorur kompaninë INTRAHA Reederei-Kontor GmbH, e cila ka qenë përgjegjëse për transportin detar, shkarkimin dhe transportin deri në sheshin kryesor të magazinimit.
Falenderime për mbarëvajtjen e këtij procesi i takojnë edhe Diamant Logistics, një nënkontraktor i rëndësishëm në transportin e tubave.”
I gjithë procesi është kryer brenda afateve kohore të përcaktuara dhe duke zbatuar standardet më të larta të sigurisë teknike. Dërgesa e fundit detare shënon përmbylljen e një faze tjetër shumë të rëndësishme në ndërtimin e gazsjellësit.
