Ish-deputetja e Partisë Demokratike, Izmira Ulqinaku renditi një sërë shkeljesh që sipas saj, Kontrolli i Lartë i Shtetit i ka gjetur kryebashkiakut të Malësisë së Madhe, Tonin Marinaj. Teksa publikoi njëri pas tjetrit shkeljet, Ulqinaku akuzoi Marinajn se taksat e qytetarëve i ka çuar për interesat e Edi Ramës.

 

“Bashkia Malësi e Madhe përdor taksat e qytetarëve për hesap të miqve të Tonin Marinaj dhe Edi Ramës. Tonin Marinaj ka 5 vite që e ka shndërruar institucionin e bashkisë në çerdhen e militantëve të paaftë dhe në çerdhen e hajdutëve. Sipas raportit të KLSH, në Bashkinë Malësi e Madhe janë konstatuar një serë shkeljesh, fshehje dokumentacioni dhe zhvilluar tendera e paguar firma ndërtimi për punë të pakryera ose të papërfunduara. Në auditimin e ushtruar në Bashkinë Malësi e Madhe, për periudhën 01.01.2018 deri më 30.03.2020, u konstatuan të meta në funksionimin e sistemit të kontrollit të brendshëm, shkelje nga kuadri ligjor dhe rregullator në fuqi.”

 

Izmira Ulqinaku kërkoi nga prokuroria që të nisë menjëherë hetimet për shkeljet pasi Marinaj ka shkaktuar dëm ekonomik miliona euro. Në fund, ajo tha se varfëria e qytetarëve do të marrë fund kur PD të vijë në pushtet.

 

Leave a Reply

Your email address will not be published.