“Eskortat VIP në burgje”, jo ka qenë tema e diskutimit në Quo Vadis të moderatores, Pranvera Borkaj në Vizion Plus këtë të enjte.
Të ftuar në studio ish-Drejtoresha e Burgut të grave Xhoi Jakaj dhe ish-Drejtori i Burgut, Faik Basha, theksuan se takimet speciale kanë ekzistuar në çdo kohë, por sipas tyre ato lejohen vetëm për të martuarit.
Jakaj dhe Basha treguan se dikur takimi special ka qenë 24 orë, por për shkak të një tentative arratisjeje është reduktuar në 5 orë.
Pjesë nga biseda:
Borakaj: Si ka qenë situata në kohën kur ju drejtonit burgjet?
Jakaj: Për të gjithë ata që se kuptojnë çfarë është një takim special, është një takim mes një të dënuari që është i martuar me çertifikatë. Të paraburgosurit nuk e gëzojnë këtë të drejtë. Në regjimin e të dënuarve duhet të realizohen 4 takime në muaj. Brenda katër takimeve pasi i dënuari apo e dënuara ka bërë kërkesën, ekziston edhe një takim special i cili është një takim i zgjatur, i cili realizohet nëse ke një certifikatë martese. Por 15 vitet e fundit ka ndodhur ngjarje të tilla. Kur kam qenë Drejtoreshë te Burgu i grave kur mora detyrën lexova se çfarë kanë të drejtë të dënuarat të takojnë. Shefi i policisë këtë bisedë bëri me mua. Në Ligj nëse Drejtori dhe Shefi i policisë janë të përgjegjshëm dhe nuk e shkelin ligjin, institucioni nuk preket. Nëse ata janë të pakorruptuar të paanshëm, të dënuarit e zbatojnë me përpikmëri ligjin. Kur unë mora drejtimin e IEVP të Ali Demit ishte një burg i amortizuar, dhoma e takimeve speciale nuk ishte vënë në eficencë. Si sot e kujtoj që atje gjeta një dyshek të një personazhi të njohur, e mora dhe sistemova dhomën e takimeve të zgjatura.
Borakaj: Erdhi si pasojë e kërkesave të të dënuara?
Jakaj: Po. Si pasojë e takimeve të zgjatura hapa një klasë të parë. Te burgu i grave, nuk mbaj mend kohën, por di që ndodhi një tragjedi, ku në takimin e zgjatur bashkëshorti vret bashkëshorten, pasi brend dhomës ishte lënë një freskuese me kabull të gjatë, që pas kësaj ndodhie janë anulluar takimet.
Borakaj: Si ishte situata?
Basha: Në atë kohë sigurisht që takimet e zgjatura kanë qenë ekzistuese siç janë edhe sot, me një limit të gjatë kohor, kanë qenë 24 orë, pastaj u shkurtuan për arsye sigurie, pasi në një burg tjetër pati një tentativë arratisjeje duke shfrytëzuar kohën e gjatë brenda dhomës, pasi në takimet speciale nuk ka kontrolle sigurie. U bë një tentativë ku të bëhej një tunel, prandaj u ul koha. Takimet e zgjatura për të dënuarit kanë ekzistuar, është ndjekur protokoll i rreptë i këtyre takimeve pasi ato janë shumë të rëndësishme. Ka një problem tjetër te takimet e zgjatura te pjesa e grave, që tani nuk ka takim te burgu i grave, por nuk besoj se ka mbetur ndonjë shtatzënë në atë kohë, pasi pastaj fillon përfitimi ligjor.
Borakaj: Ka patur raste shtatzënie?
Jakaj: Jo nuk ka patur. Ka patyur raste që kanë ardhur shtatzënë.
Basha: Shumë vende të botës e praktikojnë, por tek ne jo. Nuk përjashtohen mundësi abuzimi, por në atë kohë nuk është evidentuar apo ndjekur procedura disiplinore për këtë arsye. Ne kemi patur në kohën time një ndryshim që jo vetëm të dënuarit e martuar por edhe ata që janë bashkëjetues.
