Kalimi shkatërrues i tajfunit Yagi ka shkaktuar dëm ekonomik prej afro 1.5 miliardë eurosh në Vietnam, njoftuan media shtetërore, ndërsa Programi Botëror i Ushqimit i OKB-së foli për një ndikim shkatërrues në sigurinë ushqimore në Mianmar.
Tajfuni Yagi shkaktoi përmbytjet më të rënda në historinë e dekadave të fundit në vend.
Një raport i përkohshëm nga qeveria vietnameze i vendos “humbjet” ekonomike të shkaktuara nga Yagi në 40 trilion dong (1.47 miliardë euro), raportoi radiostacioni kombëtar Zëri i Vietnamit, pa treguar se si u llogarit kjo shifër.
Sipas numrit të fundit zyrtar të vdekjeve, 292 njerëz kanë vdekur dhe 38 janë të zhdukur, ndërsa më shumë se 230,000 shtëpi janë dëmtuar dhe më shumë se 2,800,000 hektarë tokë bujqësore janë shkatërruar në Vietnamin verior./vizionplus.tv
