Superoperacion i SPAK e Antimafias italiane/ Shkatërrohet banda e drogës, 38 urdhër-arreste

Shkatërrohet një bandë e akuzuar për trafik ndërkombëtar droge, korrupsion, pastrim parash dhe abuzim me detyrën.

Superoperacioni po zhvillohet në bashkëpunim me Strukturën e Posaçme Antikorrupsion dhe Antimafias italiane dhe po kryhet në Shqipëri, Itali, Spanjë dhe Mal të Zi.

Mediat italiane bëjnë me dije se janë prerë 38 urdhër-arreste. Autoritetet janë ndihmuar nga katër bashkëpunëtorë drejtësie, që kanë “dekonspiruar” grupin.

Mësohet se është urdhëruar edhe konfiskimi i disa pasurive të luajtshme dhe të paluajtshme, që kapin vlerën e disa miliona eurosh.