Sulmi kibernetik erdhi nga Irani/ Rama: Ambasada të largohet nga Shqipëria brenda 24 orëve

Qeveria shqiptare ka lënë 24 orë kohë afat për largimin e grupit diplomatik të ambasadës iraniane në Tiranë.

Vendimi është marrë sot në mbledhjen e Këshillit të Ministrave dhe u bë i ditur nga kryeministri i vendit, Edi Rama.

Përmes një videomesazhi në Facebook, kryeministri bëri me dije se pavarësisht se sulmi ishte i rëndë nuk ia arriti qëllimit.

Ai bëri me dije se pas hetimeve të thelluara, dolën prova të pakundërshtueshme se prapa këtij sulmi fshihet Republika Islamike e Iranit.