Të paktën 70 persona u vranë dhe 19 të tjerë u plagosën pas një sulmi me dron në spitalin kryesor në El Fasher, një qytet i rrethuar në Sudanin perëndimor.
“Sulmi i tmerrshëm në spitalin saudit në El Fasher, Sudan, shkaktoi 70 vdekje dhe 19 plagosje mes pacientëve dhe atyre që i shoqëronin”, tha drejtori i përgjithshëm i OBSH, Tedros Adhanom në një mesazh të postuar në X.
“Në momentin e sulmit, spitali ishte plot me pacientë”, shtoi ai.
More than 70 people were killed in a drone strike by the RSF paramilitary group in El Fasher city in western Sudan https://t.co/ky7DKRkACh pic.twitter.com/IUJlNcR3uZ
— Anadolu English (@anadoluagency) January 25, 2025
Tedros paralajmëroi se aksesi në kujdesin shëndetësor në El Fasher “ishte tashmë shumë i kufizuar” pasi shumica e objekteve ishin mbyllur për shkak të luftimeve të ashpra.
Spitali saudit, i cili është “i vetmi spital që operon në El Fasher, ofron shërbime të tilla si gjinekologji-obstetrikë, patologji, kirurgji dhe pediatri”, tha Tedros.
Përveç kësaj, Ministria e Punëve të Jashtme të Arabisë Saudite dënoi në një deklaratë sulmin ndaj spitalit të cilin e përshkroi si “shkelje të ligjit ndërkombëtar humanitar” duke bërë thirrje për “mbrojtjen e punonjësve shëndetësorë dhe punëtorëve në organizatat humanitare”.
Që nga prilli 2023, Sudani është në mes të një lufte të egër midis ushtrisë sudaneze dhe Forcave paraushtarake të Mbështetjes së Shpejtë (RSF)./vizionplus.tv
