Sulm me bombë në Kabul, humbin jetën 10 persona

Të paktën 10 persona kanë humbur jetën dhe 40 të tjerë janë plagosur nga një sulm me makinë bombë në kryeqytetin e Aganistanit.

Shpërthimi ndodhi pranë një zone të rrethuar me forca të larta sigurie pranë ndërtesave të ambasadave dhe qeverisë.

Aty ishin zyrat e Nato-s dhe të Ambasadës Amerikane, por nga sulmi me makinë bombë u shkatërruan dyqanet dhe makinat pranë.Sipas mediave ndërkombëtare mes viktimave janë dhe dy punonjës të NATO-s.

Në shënjestër kishin një kolonë të forcave të huaja. Zëdhënësi i ministrisë së brendshme, Nasrat Rahimi njoftoi se viktimat ishin civile, pa dhënë detaje të tjera.