Suedia do të heqë shumicën e kufizimeve të saj për koronavirusin duke nisur nga data 9 shkurt: kufizimet në orët e punës për baret dhe restorantet, tavani i numrit të pjesëmarrësve në ngjarje publike, leja e vaksinimit dhe rekomandimi për maska në transportin publik në kohë piku.
“Pandemia nuk ka mbaruar, por ne po hyjmë në një fazë krejtësisht të re”, u tha gazetarëve kryeministrja Magdalena Andersson.
“Njohuritë për Omicron janë përmirësuar, disa studime tregojnë se ai çon në sëmundje më pak të rënda,” shtoi ajo.
Rekomandimet për të vazhduar qëndrimin në shtëpi me simptomat e Covid-19 mbeten dhe kufizimet kufitare do të mbeten për momentin.
Ndërkohë, personat e pavaksinuar këshillohen të vazhdojnë të shmangin grumbullimin.
Rikthimi në punë në zyrë do të rifillojë gradualisht, si dhe mësimet ballë për ballë, pra ne auditore, në shkollat e mesme dhe kolegje.
Me heret te njejtin veprim per heqjen e kufizimeve e kishte bere nje tjeter vend nordik, Danimarka.
Në muajin e fundit në Suedi, përballë një numri rekord të infektimeve, shtrimet për infeksione të rënda nuk e kanë vënë në vështirësi sistemin shëndetësor. /ANSA
