Suedia dhe Kanadaja deklaruan se do të rifillojnë pagesat për UNRWEA, agjencia e OKB-së për refugjatët palestinezë. Suedia dhe Kanadaja ishin midis 16 vendeve që ndaluan fondet pasi Izraeli akuzoi të paktën 12 punonjës të UNRWA-s për përfshirje në sulmin e 7 tetorit nga Hamasi.
Suedia tha të shtunën se do të dërgojë 200 milionë korona (15 milionë £; 19 milionë dollarë) fillimisht, pasi UNRWA ra dakord për më shumë kontrolle mbi shpenzimet dhe stafin e saj, shkruan BBC.
“Qeveria i ka ndarë 400 milionë korona UNRËA-s për vitin 2024. Vendimi i sotëm ka të bëjë me një pagesë të parë prej 200 milionë korona,” tha ajo në një deklaratë.
Kjo vjen pasi Kanadaja tha të premten se do të rifillonte financimin për UNRWA ndërsa hetimet për stafin e agjencisë vazhdojnë.
Më 7 tetor, persona të armatosur të Hamasit sulmuan kufirin e Gazës me Izraelin, duke vrarë rreth 1200 njerëz dhe duke marrë peng më shumë se 250. Si përgjigje, Izraeli filloi një fushatë sulmesh ajrore dhe një pushtim tokësor të territorit.
Më shumë se 30,900 njerëz janë vrarë që prej fillimit të luftës në Gaza, thotë ministria e shëndetësisë e territorit të Hamasit, ndërkohë sasia e ndihmave që arrin tek civilët ka rënë.
OKB-ja ka paralajmëruar se një e katërta e popullsisë në Rripin e Gazës është në prag të urisë, me fëmijët që po vdesin nga uria.
UNRWA është agjencia më e madhe e OKB-së që operon në Gaza. Ajo ofron kujdes shëndetësor, arsim dhe ndihma të tjera humanitare dhe punëson rreth 13,000 njerëz atje./Vizionplus.tv/
