Nga ekspertët thuhet se të moshuarit janë më të rrezikuarit nga koronavirusi prandaj ata nuk duhet të dalin jashtë. Për këtë arsye, Jayde Poëell, një studente 20-vjeçare në Universitetin e Nevadas, po ofron ushqime falas për të sëmurët dhe të moshuarit.
Ajo ka pas vetes disa vullnetarë që po e ndihmojnë në misionin e saj. Ideja për të bërë diçka të tillë i lindi kur nëna e saj i tha se do të telefononte disa të moshuar që ndodheshin pranë lagjes për t’i pyetur nëse kishin nevojë për ndonjë gjë. Menjëherë pas kësaj ajo krijoi “Shopping Angels” online, ku si fillim u futën edhe 20 shokë të saj të klasës.
Teksa nevoja për ushqime u rrit, ajo ju drejtua edhe shokëve të tjerë dhe mediave sociale që të bëheshin sa më shumë vullnetarë për t’iu shërbyer të moshuarve.
“Është vërtetë befasuese për mua. Unë u zgjova këtë mëngjes me 20 mesazhe zanore dhe 56 emaile”, tha studentja.
Përmes “Shopping Angels”, një i moshuar ka mundësi t’i japë “ëngjëllit” të tij një listë për blerje dhe para për të mbuluar blerjen. Ka edhe nga ata që i blejnë ushqimet në internet dhe “ëngjëlli i blerjeve” i mbledh për t’ia dërguar në shtëpi.
Poëell kërkon që engjëjt e saj të blerjeve të veshin maska dhe doreza gjatë transportit të ushqimeve. Për më tepër, Poëell u kërkon vullnetarëve të saj të mos hyjnë brenda shtëpive për sigurinë e të gjithëve.
