Kryeministri Rama ishte sot në Durrës, ku ka zhvilluar një bashkëbisedim me nxënës të shkollave në kuadër të projektit të qeverisë për të hartuar Strategjinë e Re Kombëtare për Rininë (2022-2029).
Ndërsa dëgjoi shqetësimet e nxënësve, ai tha se mësimi i informatikës lë për të dëshiruar, ndaj përveç investimeve, lenda do të nisë që në klasën e parë.
“Në projektbuxhetin e vitit të ardhshëm, disa pika që kanë qenë të kudondodhura në takimet e kryera, janë diskutuar sot me anëtarët e kabinetit për t’i adresuar që me projektbuxhetin e vitit të ardhshëm. Një çështje që ngrihet kudo është çështja e cilësisë së ulët të mësimit të informatikës sepse klasat nuk janë në lartësinë e duhur. Duhet mësuar në mënyrë praktike dhe kreative. Një temë tjetër është mungesa e cilësisë së orëve në laboratorë sepse nuk janë të pasur dhe për shkak të mjeteve të kufizuara dhe kurrikulës së punës laboratorike, nxënësit ankohen që të kenë mësim që secili të jetë informues. Sistemin e informatikës, do ta bëjmë të qendërzuar. Do fillojmë të plotësojmë laboratorët, një objektiv afatshkurtër dh do ndryshojmë sistemin e të mësuarit ët informatikës.”
Kryeministri citoi edhe planin për futjen e programit të zejeve dhe sportit në shkolla, duke kwrkuar që mësimi tw mos jetë vetëm në klasë dhe në telefon.
“Ne sot kemi diskutuar vendosjen në dispozicion të programit të arteve dhe të zejeve në të gjitha shkollat, jo vetëm në ato profesionale, të një financimi të veçantë, ku do të përfshihen dhe vullnetarizmi. E tha shumë bukur një nga vajzat këtu që jeta e të rinjve të mos jetë e mbyllur në klasë dhe në kutin e i phone-it, por të jetë e lidhur edhe punën e duarve, kreativitetit artistik dhe dëshirën qytetare për t’u aktivizuar në punë në të mirë të komunitetit
Kreu i qeverisë tha se nxënësve do t’iu krijohen mundësi që të marrin edhe njohuri të thelluara e intensive në botën e teknologjisë.
