Sekretari i Përgjithshëm i NATO-s, Jens Stoltenberg ka garantuara kryeministrin e Maqedonisë së Veriut, Zoran Zaev se procesi i anëtarësimit të këtij shteti në aleancën veri-atlantike “është në rrugën e duhur”.
Përmes një postimi në rrjetin social Twitter Stoltenberg, shkruan se ka telefonuar Zaevin për “t’i garantuar përkushtimin për anëtarësimin e Maqedonisë së Veriut”, duke shtuar se “procesi i ratifikimit është në rrugë të mbarë dhe unë mezi pres që Maqedonia e Veriut t’i bashkohet aleancës”.
Maqedonia e Veriut ka siguruar një protokoll për anëtarësim në NATO në shkurt të këtij viti, pasi arritjes së marrëveshjes me Greqinë një vit më parë për ndryshim të emrit, duke i dhënë fund kontestit për këtë çështje me Athinën.
Deri më tani 24 nga 29 vendet anëtare të NATO-s, kanë ratifikuar protokollin për anëtarësim të këtij shteti.
Zaevi është përballur me 18 tetor me një pengesë të madhe, pasi një grup i vendeve anëtare të BE-së, i kanë bllokuar Maqedonisë së Veriut nisjen e bisedimeve për anëtarësim ashtu sikurse Shqipërisë.
Kjo ka detyruar kryeministrin maqedonas të thërrasë zgjedhje të parakohshme, të cilat do të mbahen më 12 prill.
