“S’pendohem! E meritonte të vdiste”/ Dënohet me burgim të përjetshëm vrasësi i deputetit britanik

Terroristi i ISI-it, Ali Harbi është dënuar me burgim të përjetshëm për vrasjen e deputetit britanik, Sir David Amess.

Ali goditi me thikë më 15 tetor deputetin konservator më shumë se 20 herë.

Shkak i vrasjes është bërë votimi që deputeti ka bërë në Parlament për sulmet ajrore në Siri në 2014 dhe 2015.

Ai u shpreh në gjykatë se nuk është penduar për veprimin që ka bërë, dhe se Sir David e meritonte të vdiste. Ai shtoi ndër të tjera se kishte plane të sulmonte të gjithë deputetët që kishin votuar për sulmet ajrore në Siri.