GJKKO sekuestron 8 apartamente dhe 2 llogari bankare në Orikum, kujt i përkasin

Gjykata e Posaçme e Shkallës së Parë për Korrupsionin dhe Krimin e Organizuar ka pranuar kërkesën e SPAK dhe ka sekuestuar disa pasuri në emër të  Veip Ormënaj, i cili është dënuar nga autoritetet gjyqësore të Belgjikës për trafik droge.

Ormënaj akuzohet për ceprat penale “Trafikim i substancave narkotike” dhe “Pjesëmarrje në organizatë kriminale”, parashikuar nga legjislacioni penal i Mbretërisë së Belgjikës.

Pas kryerjes së hetimeve pasurore rezultoi se, shtetasi Veip Ormënaj zotëronte pasuri të luajtshme dhe të paluajtshme, të cilat nuk justifikohen me burime të ligjshme të ardhurash dhe të cilat dyshohen se janë produkt i veprimtarisë së tij kriminale.

Në total u sekuestruan 8 apartamente dhe sy llogari bankare.

• Pasuri e llojit apartament me sipërfaqe 220.80m²;
• Pasuri e llojit apartament me sipërfaqe 216.50m²;
• Pasuri e llojit apartament me sipërfaqe 47.50m²;
• Pasuri e llojit apartament me sipërfaqe 44.30m²;
• Pasuri e llojit apartament me sipërfaqe 48 m²;
• Pasuri e llojit apartament me sipërfaqe 58.70 m²;
• Pasuri e llojit apartament me sipërfaqe 46.30m²;
• Pasuri e llojit apartament me sipërfaqe 93.m²; 
• Depozitë bankare në shumën prej 190.013.78 Euro;
• Depozitë bankare në shumën prej 68. 987.00 Euro.

Pasuritë e paluajtshme të konfiskuara ndodhen në Orikum, Vlorë./vizionplus.tv