Pas marrjes si të pandehur të kryebashkiakut të Mallakastrës, Qerim Ismailaj, nga SPAK, ka reaguar Partia Demokratike, përmes Gazement Bardhit.
Ndërsa e cilëson një akt të mirëpritur drejt pastrimit të politikës, Bardhi shprehet se PD bëri vetëm detyrën ndaj qytetarëve me kallëzimin e saj.
“Marrja si i pandehur i uzurpuesit ilegjitim të Bashkisë së Mallakastrës është një akt i mirëpritur drejt pastrimit të politikës. Me kallëzimin tonë në SPAK, pasi treguam me dokumente se mandati i tij ishte i paligjshëm, PD bëri vetëm detyrën ndaj qytetarëve. Ne i qëndrojmë bindjes sonë se mund të ecim përpara drejt zhvillimit pa politikanë të korruptuar e të lidhur me krimin. Të zgjedhurit në parlament, në qeveri dhe në bashki duhet të jenë shërbëtorë vetëm të interesave të qytetarëve. Edi Rama futi në politikë modelin e politikanit gangster, që rri në pushtet në aleancë me krimin. Ky model duhet zhbërë përmes vetingut në politikë. Shqiptarët meritojnë të qeverisen nga politikanë me integritet. #vettingnëpolitikë”, deklaron Bardhi.
