SPAK bllokon 1 mln euro pasuri/ Pronat i përkasin Astrit Beqirit, akuzohet për trafik droge

Prokuroria e Posaçme ka sekuestruar pasuri me vlerë 1 milion euro në shkodër.

Sipas SPAK, pasuria i përket Astrit Beqirit i lidhur me trafikun ndërkombëtar të drogës në danimarkë. pasuria e sekuestruar i ka kaluar tashmë shtetit. Të sekuestruara janë një pulari me vlerë 400 mijë euro, 3 apartamente në Velipojë me vlerë 283 mijë euro, 3 automjete luksoze me vlerë 173 500 euro si dhe 8.6 milionë lekë cash.

Dyshohet se paratë e përfituara nga trafiku i drogës silleshin në Shqipëri dhe më pas investoheshin në prona dhe biznese private. Beqiri akuzohet për grup kriminal dhe trafik droge nga Danimarka si dhe shtete të tjera si Gjermania, Suedia, Belgjika etj.