Kreu i grupit parlamentar i PD, Edmond Spaho deklaroi se opozita nuk do të kthehet në Parlament nëse mazhoranca nuk merr parasysh kërkesën e kësaj të fundit për vetting në politikë.  I ftuar në studione e emisionit të mëngjesit “7 pa 5”, në Vizion Plus, Spaho u shpreh para moderatores Pranvera Borakaj se opozita nuk do të marrë pjesë në seancën plenare të së entjes.

 

“Marrëdhënia e kushtëzuar me Parlamentin është vettingu. Ne nuk do të marrim pjesë në seancë pa vettingun në politikë”

 

Spaho komentoi gjithashtu në studion e emisionit “7 pa 5”, edhe aksionin e fundjavës që Policia e Shtetit ndërmorri. Kreu i grupit të PD, ngriti dyshime mbi aksionin pasi, siaps tij, po lihen jashtë kokat e krimit dhe po arrestohen personat e dorës së dytë dhe të tretë.

 

“Në pamje të parë duket si një aksion i suksesshëm i policisë, sepse sigurisht janë 26 veta të arrestuar por po të hedhësh një vështrim përtej këtyre fakteve do të shikosh që ka pikëpyetje. Disa prej krerëve që duhet të arrestoheshin si psh Lul Berisha në Durrës, pronari i laboratorit në Has, po kështu Klement Balili pra tre kryesorët e kimit nuk arritën që të kapeshin. Gjë që të çon në atë lojën e përhershëme të policë që kapen kurdoherë personat e dytë dhe të tretë. Ndërsa dy ish-deputetët u kapën rastësisht. Pra dua të them që nuk ka hetime të mirëfillta ndaj zyrtarëve të lartë. Marrim rastin e Vangjysh Dakos që përmednet në dosje por që nuk është arrestuar”

 

Deputeti demokrat kometoi gjithashtu edhe situatën e ngërçit në drejtësi. Ai tha se e vetmja zgjidhje për të zhbllokuar këtë ngërç është paketa e propozimve të PD.

 

“Ne kemi propzouar një paketë prej katër pikash, e cila adreson problemet themelore me të cilat po përballet shoqëria jonë: Lidhjen e politikes me krimin, që kemi propozuar vetingun në politike. E kanë cuar në Venecia për të fituar kohë; Kemi propozuar për të zhbllokuar sistemin në drejtësi. Ju po e shikoni që drejtësia është në kolaps. Nuk është krijuar asnjë prej institucioneve të reja në drejtësi. Është e nevojshme që të ndryshohen disa ligje në fakt; Ne nuk e kemi dhene konsensusin pasi nuk krijohet ngerci nga kjo. Shkolla e magjistraturës nuk bllokohet dhe ajo nuk është ngërçi për reformën në drejtësi. Pra ne e kemi thëë që 7 ligjet që u rrëzuan nga Kushtetuesja të rishikohen. Po kështu prokurorja e përgjithshme duhet të zgjidhet pasi edhe pse u emërua e përkoshme vazhdon të hartojë ligje dhe të marrë vedime të kundraligjshme”

Leave a Reply

Your email address will not be published. Required fields are marked *