Nga pasditja e kësaj të hëne, Vizion Plus sjell një histori të re shumë të veçantë dhe të bukur me regji te Osman Sinav, regjisori i fenomenit turk “Lugina e Ujqërve”.
Një superproduksion i vitit 2018/19. Fitues i 4 çmimeve në Edicionin e 45-të të ‘’Golden Butterfly Awards’’ ne kategoritë “Çifti me i mirë i vitit ne Tv drama”, “Aktori më i mirë fëmijë”, “Skenaristi më i mirë” dhe “Regjisori me i mire”.
“Lot në Detin e Zi” është seriali me i ndjekur turk i 7 viteve të fundit. 4 premierat e tij thyen çdo parashikim duke regjistruar nivel shumë të lartë shikueshmërie në prime-time. Mbi 3 milionë ndjekës ndoqën premierën e tij ne youtube ne vetëm 1 jave.
Pas suksesit të këtij seriali qëndron historia e Nefes, e cila kur ishte vetëm 16 vjeç shitet nga i ati tek një biznesmen i dhunshëm, Vedati.
Peng i një martese të stisur, së bashku me të birin bien viktima te dhunës sistematike të ushtruar nga i shoqi.
Por duket se jeta e saj do te marre një tjetër rrjedhe pas njohjes me Tahirin. Ajo vendos te arratiset, por nuk do te gjeje qetësi përsa kohe qe Vedati do te jete gjithmonë një hap larg tyre.
Dy protagonistët e dashurisë së vështirë që do të fitojë zemrat e publikut interpretohen nga Ulas Tuna Astepe dhe Irem Helvacioglu.
Veçori e këtij seriali është se ngjarjet zhvillohen nga një rajon pak i njohur dhe relativisht i egër i Turqisë siç është ai i Detit të Zi. Kjo ka bërë që seriali të kërkohet për t’u shfaqur edhe në rajone të largëta si Kili apo Meksika.
Seriali “Lot në Detin e Zi” do te ketë premierën këtë të hënë, dhe do t’ju shoqëroj në vazhdim çdo javë nga e hëna në të premte në orën 17:00 dhe ritransmetim te nesërmen ne orën 10:00.
Për të gjithë ata që nuk kanë patur mundësinë ta ndjekin gjatë javës, përmbledhjen e plotë të të gjitha serive do të mund ta shohin çdo të diel, ora 16:30.
