“Sot Eva do mbushte 24 vjeç”, humbi vajzën në aksident, mesazhi prekës i Vangjel Tavos: Lotët rrjedhin nga thellësitë e shpirtit
Eva, vajza e Vangjel Tavos do të festonte sot 24-vjetorin e lindjes. Por ishte ajo natë e zezë 28-nëntorin që i mori jetën në lule të rinisë. Evanthi Tavo humbi jetën në një aksident të rëndë rrugor në autostradën “Nënë Tereza” në drejtim nga Tetova për në Shkup në Maqedoninë e Veriut.
Sot, babai i Evës ka shkruar disa fjalë të ndjera në emër të tij dhe familjes.
Perëndia deshi që ajo ta festojë me engjëjt”, shkruan Vangjel Tavo, i cili thotë se i mungon pa masë vajza e tij dhe deri në ditën e fundit të jetës do të jetojë me kujtimet e saj më të bukura.
MESAZHI I TAVOS
“Sot Eva do mbushte 24 vjeçe e do e festonte ditëlindjen me familjen dhe miqtë…, por Perëndia deshi që ajo ta festojë me engjëjt…
Eva ishte për ne jetë, lumturi, dashuri dhe bekim, kujtimi i saj ishte, e mbetet thesar. E deshëm e do e duam përjetësisht përtej çdo fjale e përshkrimi!
Na mungon shumë e vogla ime dhe për çdo ditë të mbetur të jetës sonë, deri në frymëmarrjen e fundit, do mendojmë kujtimet më të bukura që ti na le…
Me zemrën e pikëlluar dhe lotët e fshehtë që rrjedhin nga thellësitë e shpirtit, në pamundësi të të uroj nën të ngrohtin përqafim: Festo me engjëjt Eva, shpirti im! Vangjel Tavo dhe familja”.
/vizionplus.tv
