E hënë, 16 Nëntor 2026 Film TV deri në 05:45 Në vijim ora 05:45: Takohemi N'vizion Reklamo Kontakt Karriera
Vizion Plus
Kronikë

Sot dueli vendimtar, Bologna-Napoli, kuqeblutë duan Championsin, skuadra e Contes shans të artë për t’iu afruar Interit

Bolonja dhe Napoli përplasen sonte në duelin përmbyllës të javës së 31 të kampionatit italian, në atë që mund të konsiderohet një ndeshje jetike për zonën Champions dhe titullin në Serie A.

Bolonja po bën një pjesë të dytë të sezonit të pabesueshme dhe një sukses sonte në fushën e vet do të bënte që të kapte vendin e tretë duke parakaluar Atalantën. E vetmja dilemë tek Bolonja është maja e sulmit, Dalinga apo Kastro. I njëjti diskutim tek Napoli.

Ky është momenti i të vërtetës për skuadrën e Kontes. Inter barazoi në fundjavë, dhe Napoli nëse fiton mund të afrohet me vetëm 1 pikë distancë. Kundërshtari është shumë i vështirë, por dëshira për të mos humbur një mundësi të artë në garën për titull mund të bëjë diferencën. Skuadër e plotë për Axurrët në Bolonja dhe këtu përfshihet edhe rikthimi në formacion i Mek Tomineit.

Dueli transmetohet në Tring në orën 20:45.

Vazhdo të lexosh

Reklamë