1 Qershori shënon Ditën Ndërkombëtare të Fëmijëve, një ditë e dedikuar për sensibilizimin ndaj dhunës, bullizmit dhe abuzimeve të tjera që prekin fëmijët.
Kjo festë ka origjinën që në vitin 1925, kur përfaqësues nga vende të ndryshme u mblodhën në Gjenevë, Zvicër, në “Konferencën Botërore për Mirëqenien e Fëmijëve”. Pas këtij takimi, disa vende vendosën të caktojnë një ditë për të nxjerrë në pah çështjet që prekin fëmijët, dhe më vonë u vendos që 1 Qershori të jetë Dita Ndërkombëtare e Fëmijëve.
Me krijimin e kësaj dite, Kombeve të Bashkuara i njohën fëmijëve të drejtën për dashuri, mirëkuptim, ushqim të duhur, kujdes shëndetësor, arsim falas, mbrojtje nga çdo formë e shfrytëzimit, si dhe rritjen në një ambient paqeje dhe vëllazërimi universal, pa dallime race, feje apo prejardhjeje.
Në Shqipëri, Kosovë dhe shumë vende të tjera të botës, 1 Qershori festohet me aktivitete të ndryshme dedikuar fëmijëve, duke rritur ndërgjegjësimin për mirëqenien e tyre. Kjo ditë gëzon zemrat e fëmijëve dhe prindërve, duke theksuar se të gjithë fëmijët kanë të drejta të barabarta. Në këtë kuadër, figura të ndryshme publike shpesh zgjedhin ta urojnë këtë festë me mesazhe të veçanta.
Kreu i qeverisë Edi Rama e ka nisur ditën me një urim të përzemërt për vogëlushët.
“MIRËMËNGJES, dhe gëzuar ditën e fëmijëve”, shkruan Rama.
/vizionplus.tv
