Gazetari i Vizion Plus, Esido Barkaj ka siguruar dëshminë e 21-vjeçarit të arrestuar në aeroportin e Rinasit, pasi tentoi të trafikonte në vendin tonë lëndë narkotike, e cila vinte nga Dubai.
21-vjeçari nga Luksemburgu, Brice Tchantchou ka udhëtuar me tranzit nga Tailanda në Dubai dhe me destinacion final Tiranën me çantën me kanabis.
Lexo edhe :
Related Posts
Para hetuesve ka deklaruar se “drogën ia ka dhënë një tailndez, por këtu në Tiranë nuk e dinte se kush do e merrte.”
Shërbimet e Komisariatit të Policisë Rinas në bashkëpunim me autoritetet doganore finalizuan ditën e sotme operacionin “Fluturimi”.
Gjatë kontrollit në bagazhet e 21-vjeçarit, shërbimet e Policisë gjetën dhe sekuestruan në cilësinë e provës materiale, 26 kilogramë e 700 gramë lëndë të dyshuar narkotike kanabis.
Vijon puna për identifikimin dhe kapjen e shtetasve të tjerë të implikuar në këtë veprimtari kriminale./vizionplus.tv
