Udhëtimi historik rreth botes ka përfunduar per avionin e pare me energji diellore. Pas 500 orësh fluturim, Solar Impulse mbërriti ne Abu Dabi, ndërsa etapa e fundit e udhëtimit te tij me shume se nje vjeçar, ishte nga Egjipti ne Emiratet e Bashkuara Arabe. Per dy pilotet zvicerane te avionit zbritja ne toke ishte realizimi i nje ëndrre qe zgjati 17 vjet. Bertrand Piccard deklaroi se ai dhe kolegu Andre Borschberg, kishin udhëtuar per 42 mije km pa karburant dhe synimi ishte promovimi i energjisë se rinovueshme. E ardhmja është e pastër. E ardhmja është tani, le ta cojme ate përpara, tha Piccard. Me 17 mije panele diellore dhe me peshe jo me te madhe se ajo e nje makine familjare avioni udhëtoi me shpejtësi 45-90m km ne ore mbi 4 kontinente, tre dete dhe dy oqeane. Udhëtimi me i gjate ishte ai nga Japonia ne Hauai qe zgjati 118 ore dhe u përshkruan mbi 8 mije km. Persa u përket vështirësive nje prej tyre ishin kushtet e motit. Skuadra e piloteve e përshkroi misionin si nje aventure moderne te Zhyl Vernit, qe provoi se nje energji e pastër ne te ardhmen është e mundur. Inxhinieret e këtij projekti dhe pilote shpresojnë se ne te ardhmen fluturime te tilla ne 10-20vitet e ardhshme do te kryhen edhe per pasagjere, pa shpenzuar asnje liter karburant.

 

 

Leave a Reply

Your email address will not be published.