E hënë, 16 Nëntor 2026 Trashëgimtari Halef deri në 13:15 Në vijim ora 13:15: Dielli i Dimrit Reklamo Kontakt Karriera
Vizion Plus
Politikë

Socialistët kërkojnë përjashtimin pas sulmeve ndaj Gonzatos, Berisha: Po kërkoni të mbuloni ligjin që i vë kazmën familjes shqiptare

Ish-kryeministri Sali Berisha ka replikuar nga foltorja e Kuvendit me deputetët e mazhorancës, të cilët kërkuan përjashtimin e tij pas deklaratave të bëra ndaj Ambasadorit të BE-së në vendin tonë, Silvio Gonzato.

Berisha tha se socialistët po përpiqen të mbulojnë me këtë “histori” ligjin që, sipas tij, i vë kazmën familjes shqiptare.

Berisha: Së pari dua të bëj një deklaratë të shkurtër. As dje, as sot e deri në minutën e fundit të jetës time, përveç Atij që sheh gjithësinë, njeri tjetër mbi tokë nuk vendos censurë mbi Sali Berishën. O të mjerë, ju kujtoni se mund të më censuroni mua fjalën! Ju e quani fyerje një përsëritje të deklaratës së një personi që unë e quaj të nderuar këtu. Pse bëheni personazhe mjerane?

Ju kërkoni të mbuloni me këtë një ligj, i cili i vë kazmën familjes shqiptare. Si do të shkoni ju te fëmijët tuaj, që keni votuar një ligj që, kur t’i çoni ata në kopsht, nëse djali zgjedh tullumbacen e verdhë, të marrë hormone për të ndryshuar gjininë?!

Reklamë

Si do të shkoni ju, si do të paraqiteni ju te familjet tuaja, kur ne kemi pasur mijëra probleme, por kemi pasur një familje, e cila ka qenë mburoja më e fuqishme e këtij kombi, ndaj çdo të keqeje që i ka ardhur, ndaj të gjitha pushtimeve.

 

Vazhdo të lexosh

Reklamë