“S’më linte të argëtohesha”, detaje nga krimi i rëndë në Fier, 26-vjeçarja pranon vrasjen e babait: Nuk më jepte para, kishim debate

Një krim i rëndë në familje tronditi Fierin ditën e sotme.

Emanilda Rama, 26 vjeç mbyti me tel babanë e saj dhe telefonoi policinë duke e raportuar ngjarjen si aksidentale.

Lexo edhe :

Related Posts

Mbyti babanë me tel dhe u përpoq të fshihte ngjarjen, arrestohet 26-vjeçarja në Fier! E ndihmoi nëna për të zhdukur provat e krimit

Vajza vrau babanë, arrestohet nëna! Ndihmoi të bijën të fshihnte ngjarjen që të dukej aksidentale

E reja kallëzoi në polici se babai i saj, Anesti Rama, 56 vjeç, humbi jetën aksidentalisht në banesën e tyre në fshatin Frashër.

Por sipas policisë, Anesti Rama u mbyt me tel nga e bija, ndërsa Valbona Rama, nëna e 26-vjeçares dhe bashkëshortja e viktimës, e ndihmoi për të pastruar trupin e 56-vjeçarit me qëllim fshehjen e krimit.

Vizion Plus mëson se 26-vjeçarja pas marrjes në pyetje nga policia ka pranuar autorësinë e vrasjes së babait.

Motivi i vrasjes, sipas saj, ka qenë fakti se i ati nuk e lejonte të dilte të argëtohej, të blinte veshjet dhe sendet që asaj i nevojiteshin.

Në dëshminë e saj Emanilda Rama thotë se ka pasur debate të shpeshta me të atin për paratë që ajo i kërkonte, por i ati nuk ia jepte.

Policia arrestoi 26-vjeçaren, ndërsa e ëma, është aktualisht e shoqëruar në ambientet e Drejtorisë Vendore të Policisë Fier, ku po kryhen veprime të thelluara hetimore për të përcatuar shkallën e përgjegjësisë së saj në lidhje me këtë rast./vizionplus.tv