Skënderbeu siguroi kualifikimin për në finale e kupës së Shqipërisë në volejboll për femra, pasi mundi edhe në ndeshjen e kthimit gjysmëfinale Partizanin. Pas suksesit 3 me 2 në kryeqytet, korçaret fituan 3 me 0 edhe ndeshjen e dytë para mbështetësve të vet në pallatin e sportit Tamara Nikolla.
Seti i parë ka qenë rivalizues deri në pikët e fundit por në fund festuan vendaset. Në fakt ky ishte seti i vetëm më rivalitet pasi në dy të tjerët vajzat e trajnerit Orlando Koja, me mbylljen pastër 25-14 dhe 25-15.
Spikati në mënyrë të veçantë në këtë takim edhe blerja e fundit e Skënderbeut, venezueliania Fabiana Pesce, e cila ishte lojtare kyç në organizimin e lojës.
Pas ndeshjes trajneri Orlando Koja por dhe kapitenia Elena Bego kanë vlerësuar lojën e ekipit , duke e vlerësuar shumë të vështirë finale me Tiranën.
Finalistja tjetër e kupës së shqiperise është Tirana e cila kaloi lehte Pogradecin. Trofeu mes vajzave korcare dhe atyre bardheblu do të ndahet në finalet e datës 16 mars ne kryeqytet./vizionplus.tv
