Agjencia e Mbikëqyrjes Policore ka marrë në dorëzim dosjen e dhunës brenda familjes mbretërore.
Ky institucion do të hetojë se çfarë ndodhi me filmimin amator të bërë nga vetë princi, se në çfarë rrethanash ai përfundoi në rrjetet sociale.
Lexo edhe :
Related Posts
Paralelisht, do të verifikohet dinamika e ngjarjes, konflikti mes Princit e bashkëshortes së tij, Elia Zaharia me të cilën po divorcohet, si dhe denoncimet përkatëse në polici.
Pak ditë më parë, Princi Leka Zogu ngriti dyshime se videoja ishte shpërndarë nga policia, por kjo e fundit e mohoi një fakt të tillë.
Më 7 mars Gjykata Civile e Tiranës firmosi dy urdhra mbrojtje për çiftin në proces divorci, Elia Zaharia dhe Princ Leka.
Seanca u mbajt paradite ku ishte e pranishme dhe vetë Elia Zaharia. Ndërsa Leka Zogu ll nuk ishte i pranishëm por u përfaqësua nga avokati i tij.
Në seancë u shqyrtuan 3 kërkesa për urdhër mbrojtje, përkatësisht të Leka Zogut ll, Elia Zaharisë dhe babait të kësaj të fundit Gjergj Zaharisë.
Për dy të parët kërkesat u aprovuan nga togat e zeza dhe nga 7 marsi për Lekë Zogun ll dhe bashkëshorten e tij me të cilën ndodhet në proces divorci Elia Zaharia urdhërohet mbrojtja e menjëhershme. Ndërsa nuk është pranuar kërkesa e Gjergj Zaharisë.
Çifti duhet të mbajnë distancë 5 m, nga njëri-tjetri. Ndërkohë Leka Zogu duhet të takojë vajzën e vogël jo në prezencë të Elias por të dados.
Ndërkohë Prokuroria e Tiranës ka nisur hetimet pas kallëzimit në polici për veprën penale “Dhunë në familje”. Gjithashtu po kryhen hetimet për të zbuluar se kush e nxorri videon në media./vizionplus.tv
/vizionplus.tv
