Kryeministri Edi Rama është përplasur me ministrin gjerman të Shëndetësisë, Jens Spahn.
Në një intervistë për “Bild”, ministri gjerman thotë se verën e kaluar gjysma e rasteve të reja me COVID erdhën nga vizitat familjare të migrantëve të Ballkanit.
Ai kërkon që këtë vit të reflektohet dhe të mos rrezikohet më. Por diçka e tillë është kundërshtuar nga Rama, i cili po ashtu reagoi për “Bild”.
“Është skandal që një ministër gjerman denoncon publikisht Ballkanin dhe kështu gjithashtu zhvlerëson njerëzit me një sfond migrimi. Unë nuk do të lejoj që Shqipëria të portretizohet si një zonë rreziku për udhëtimet e pushimeve, nuk ka shifra për ta provuar këtë. Një ministër gjerman i shëndetësisë duhet të kujdeset për vaksinimin e popullsisë gjermane dhe të mos zgjojë pakënaqësi stereotipike kundër Ballkanit në mënyrë që të mbrojë një rekord të dukshëm të keq.”
