Nuk njohin rënie shifrat e pandemisë në vendin tonë. Sipas njoftimit të Ministrisë së Shëndetësisë, pas kryerjes së 7.725 testimeve, 844 qytetarë janë konfirmuar pozitivë me Delta.
Rastet e reja janë të përhapura thuajse në të gjithë Shqipërinë, duke e çuar numrin e pacientëve aktivë në të gjithë vendin në 7.070.
Këtë të mërkurë kanë humbur jetën edhe tre pacientë të tjerë, mes të cilëve edhe një 20-vjeçar nga Korça, me sëmundje bashkëshoqëruese. Dy viktimat e tjera ishin një 69-vjeçar nga Shkodra dhe një 81-vjeçar nga Vlora.
Në spitalin Infektiv po marrin trajtim 91 pacientë, ndërsa janë shëruar 204 qytetarë.
