Politologu Ermal Hasimja bëri një analizë të shkurtër në Vizion Plus, gjatë edicionit qëndror të lajmeve, për situatën politike brenda Partisë Demokratike.
Për Hasimen, dorëheqjet e dy deputetëve demokratë brenda 24 orëve, janë shenja të një problemi të brendshëm të partisë, megjithëse nuk dihen plotësisht arsyet e ketyre veprimeve.
“Dorëheqjet e dy deputetëve brenda 24 orëve është ‘ngjarje’ patjetër. Ne nuk i dim arsyet dhe motivet 100, kështu që do t’i marrim të mirëqëna ato që u thanë publikisht, por duket që nuk janë në një situatë normale. Janë shenja të një problemi që nuk është i kundërshtarit por i situatës së brendshme të PD.”
Hasimja komentoi edhe shkuarjen e PD në zgjedhjet lokale, e ndarë. Sipas tij, një veprim i tillë nuk është në favor të demokratëve dhe përgjegjësia i takon të dyja palëve.
“Është skenar problematik por ndonjëherë skenarët më të vëshitrë dalin në zgjedhjet më të mira. Nuk është një gjë e qartë për opzoitën që do të dalë me dy palë kandidatë, por duhet thënë që është përgjegjësia e të dyja palëve. Ka pasur kushte të panegocueshme, është situatë e vështirë sepse gjithçka nis nga ajo pyetja ‘Kush e ka PD në këtë moment?”.
Sa i takon protestës së 12 nëntorit, Hasimja tha se nëse do të ketë ndryshim të pushtetit, do të ndodhë vetëm për shkak të besimit të qytetarëve.
“E para, unë mendoj që s’ka vend për protesta radikale. Ajo që duhet parë është besimi i shqiptarëve tek jo thjeshtë ndërtesa e kryeministrisë. Nëse do të duhet të ndërrohet pushteti, duhet të ndërrohet nga besimi i njerëzve i cili duhet të kalojë përmasat e normales. Sepse duhet të përballet me një makineri efikase të atyre që janë në pushtet. Hapi i parë i kësaj është që të mblidhet e gjithë opozita pastaj mund të frymëzojnë edhe qytetarët.”
