Qeveria parashikon të zbatojë skemën e sigurimit me detyrim të banesave, nga rreziku i tërmeteve. Vizion Plus ka mësuar se si është dizenjuar kjo skemë. Marsela Vaska, drejtore e mbikëqyrjes së sigurimeve, në Autoritetin e Mbikëqyrjes Financiare ka dhënë disa detaje në emisionin E-ZONE, se si është menduar zbatimi i saj.
Ky prim, i cili do të jetë bazik dhe i përballueshëm nga të gjithë nuk do të mbulojë vlerën e plotë të banesës. Por ai do të jetë një mbulim bazë, që do të mundësojë vijimin e jetës dhe kthimin në normalitet. Skemat që janë me detyrim, në përgjithësi nuk mbulojnë të plotë vlerën. Mbi këtë prim bazik çdokush mund të sigurohet në kompanitë private për çdo fatkeqësi apo rrezik tjetër, siç janë përmbytjet, zjarret – u shpreh Vaska në E-ZONE
Por pse është menduar me detyrim një skemë e tillë, kur shumë vende e kanë vullnetare?
Nisur nga kultura dhe ndërgjegjësimi i ulët i popullatës lidhur me tregun e sigurimeve dhe rëndësinë që ka sigurimi ndaj rreziqeve, është menduar që skema të jetë detyruese. Koha ka treguar se skema vullnetare nuk i nxit qytetarët të sigurohen. Është menduar vetëm për tërmetin, pasi ky është fenomeni natyror që përfshin apo prek shumicën e popullatës-u shpreh Vaska në Vizion Plus
Ende nuk është e qartë se ku do të paguhet kjo policë sigurimi. Por deri më tani agjenti më i madh në vend është Operatori i Shpërndarjes së Energjisë Elektrike
