Si u hakëruan 500 milionë llogari

500 milionë llogari te personave qe përdorin posten elektronike te kompanisë “Yahoo” jane hakeruar gjate vitit 2014, ne ate qe konsiderohet sulmi me i madh kibernetik i ndodhur deri tani. Hakerat kane vjedhur emrat, adresat elektronike, numra telefoni, ditëlindje, si dhe të dhënat personale të përdoruesve, por jo te dhena financiare, mbi kartat e kreditit, apo informacione te tjera bankare. Yahoo dyshon se pas ketij sulmi qendron nje haker i financuar nga nje shtet, pa përcaktuar se cili mund te jete ai dhe FBI ka nisur hetimet per kete ceshtje. Lajmet për një sulm kibernetik te përmasave te medha ne “Yahoo” dolën në muajin gusht, kur hakerat e grupit “Peace” tentuan te shisnin informacione per 200 milionë llogari ne “Yahoo”. Kompania u ka bere thirrje perdoruesve qe nuk kane ndryshuar paswordet qe prej vitit 2014, ta bejne dicka te tille. Viktime e pirateve informatike ka rene edhe zonja e pare amerikane, Michelle Obama, nje fotokopje e pasaportës te se ciles se bashku me e-maile personale te disa punonjësve te Shtëpisë se Bardhe, kane përfunduar ne internet. Ato besohet te jene vjedhur pas hyrjes ne llogarinë ne Google te nje pjesëtari te stafit, te angazhuar edhe ne fushatën presidenciale te Hillary Clinton. Muajt e fundit kompani te ndryshme amerikane kane rene pre e hakerave dhe dyshimet kryesore kane rene mbi vende, si Kina apo Rusia.