Ish-Presidenti i Republikës, Bamir Topi ishte i ftuar këtë të martë në studion e emisionit “Quo Vadis” të moderatores Pranvera Borakaj.
Gjatë intervistës, ai ka treguar si ka ndodhur emërimi i Ols Dados, një prej prokurorëve më të akuzuar nga aktorët politikë, të cilët ndodhen nën gjykim nga institucionet e drejtësisë.
Pjesë nga biseda:
Borakaj: Kur steka është ngritur kaq lartë, në këtë nivel politik, si rasti ni zotit Berisha, Meta e Veliaj, edhe sulmet ndaj sistemit të drejtësisë janë shumë të forta. I tillë është edhe rasti i prokurorit Ols Dado dhe janë hedhur pretendime mbi mënyrën si ai është emëruar prokuror. Keni një koment?
Bamir Topi: Unë e kam ndjekur gjithë diskutimin. Raporti sipas ligjeve të kohës midis institucionit të Presidentit dhe Prokurorisë funksiononte në këtë mënyrë. Në atë kohë, në vitin 2007, Kryeprokurore është zgjedhur Ina Rama me propozim të Presidentit dhe miratim të Parlamentit. Pastaj institucioni i Prokurorisë kishte një funksionim sipas ligjit të Prokurorisë. Pra, ishte një institucion, sistemi ishte shumë integral dhe i pavarur. Ky ishte ligji i kohës. Kur vjen momenti i hapjes së garës, në Prokurori gjithçka ezaurohej brenda Prokurorisë. Atje kishte një Këshill të Prokurorisë , i cili administonte të gjitha dokumentet kur hapej një garë. Gjithçka që ezaurohej brenda Këshillit shkonte dhe merrte në fund fare miratimin e Kryeprokurores. Te Presidenti vjen vetëm propozimi formal për dekret, ku nuk vinin gjëra të karakterit analitik.
/vizionplus.tv
