Shtyhet seanca gjyqësore për nusen që helmoi vjehrrën

Është shtyrë seanca gjyqësore për Marjana Çmetën, e cila akuzohet për helmimin e vjehrrës së saj.

Shkak është bërë mungesa e Prokurorit Besnik Muçi, I cili është emëruar si anëtar i Gjykatës Kushtetuese nga ana e Presidentit Meta.

Marjana Çmeta akuzohet për vrasje për shkak të marrëdhënieve familjare.

Dy vjet më parë, dyshohet që ajo ka helmuar e më pas mbytur vjehrrën e saj, Lirie Lami. Ngjarja ndodhi më 30 prill 2017 në Kamëz.

Seanca e radhës, ku pritet të bëhet mbrojtja dhe të jepet vendimi, do të mbahet me 4 nëntor ora 9:00.