Arianit Besiri, shqiptari nga Mitrovica është zgjedhur kryetar Komune në një zonë të Gjermanisë, saktësisht në Morbach. Ai triumfoi me 60.2% të votave në zgjedhje, duke u bërë kështu i pari shqiptar që merr postin e rëndësishëm në Gjermani.
Në një lidhje me skype në emisionin Vizioni i Pasdites nën moderimin e Brikena Priftit, Besiri tregon pikën më të fortë që e beri të merrte zemrat e popullit.
Ai thekson se mandate i tij është 8-vjeçar dhe prioritet do të ketë shëndetësinë.
“Në 2022 jam zgjedhur si nënkryetar i federatës së futbollit, kështu që angazhimi im ka përfaqësuar shumë aspekte sociale dhe ekonomike, duke punuar në Kuvend. Insperimi ka ardhur dhe për politikë, por qëlloi dhe fati. Kjo ka qenë dhe rrugëtimi im. Ka qenë një projekt që unë të hyja në fushatë të konkurroja përballë një personi që është rritur në Gjermani. Mirëpo duke i fituar zemrat e njerëzve, duke bërë fushata arrita të fitoja mbi 60% të votave. Historia ime që kam shkuar në Gjermani si refugjatë, arritjet që kam bërë këtu, pra historia ime ndikoi tek votat e popullsisë. Prioriteti më i madh është që të përmirësojmë më shumë sistemin e shëndetësisë. Une e kam pasur një shembull shumë të mirë që një shoku im ka qenë kryetar në një zonë tjetër. Duhet t’i mbajmë dhe t’i fitojmë mjekët, kjo ka qenë ajo që populli se ka prit. Mandatin e kam 8 vite këtu në Gjermani”, tha Besiri.
Shqiptari nga Kosova u ndal dhe tek dashuria për vendlindjen. Besiri deklaroi se vjen shpesh në Kosovë, por edhe në Shqipëri, teksa shtoi se ka planifikuar një javë pushime në Kosovë.
“Në shtëpi ne flasim shqip, vjet kam ardhur në Tiranë 3 herë se më pëlqen. Pas fushatës planifikova të shkoj në Kosovë për disa pushim”, përfundoi ai. /vizionplus.tv
