Vendet europiane kanë forcuar alarmin e sigurisë nga sulmet terroriste pasi shënjestra e radhës u bë Vjena.
Të shtënat me breshëri armësh nga gjashtë drejtime të ndryshme në afërsi të një sinagoge, lanë të vdekur katër persona dhe 17 të tjerë të plagosur.
Mes viktimave raportohen edhe dy të rinj me origjinë shqiptare, Nexhip Vrenezi nga Struga dhe Kujtim Fejzullahu nga Tetova i cili mendohet se është edhe një prej autorëve të sulmit barbar. 20 vjecari Fejzullahu raportohet se ka qene I denuar me 22 muaj burg pak kohe me pare, pasi u gjet fajtor ne tentative per tiu bashkuar grupit ISIS ne Siri.
Mirepo duke qene minoren kur u denua ai u lirua ne dhjetor te vitit te kaluar.
Të paktën 1,000 oficerë janë vendosur në kërkimin e sulmuesve të mundshëm dhe është ende e paqartë se sa prej tyre ishin të përfshirë në sulm.
Ministri i Brendshëm Karl Nehammer deklaroi se të gjitha të dhënat flasin për një sulm terrorist.
KARL NEHAMMER MINISTER I BRENDSHEM I AUSTRISE
“Nuk përjashtojmë që ka edhe atentatorë të tjerë. Hetimet vazhdojnë me intensitet. 1000 policë janë të përfshirë në aksion. Atentatori, të cilin policia arriti ta eliminojë ishte simpatizant i “Shtetit Islamik”. Ai ka qenë i armatosur me kallashnikov dhe një rrip me lëndë eksplozive fallco, që me sa duket donte të përhapte panik. Situatën e vështirë mund ta përballojmë së bashku, nëse sillemi të disiplinuar dhe t’i japim mundësi policisë të ndjekë autorët”.
Kancelaria gjermane, Angela Merkel e ka dënuar ashpër sulmin, po ashtu edhe presidenti Donald Trump, homologu francez Emmanuel Macron si dhe të tjerë personalitete në politikën ndërkombëtare.
