Ish presidenti Bujar Nishani ka ngritur akuza ndaj kryeministrit Edi Rama dhe kreut të PD, Lulzim Basha.
Sipas tij, Rama dhe Basha po synojnë dhe punojnë që shqiptarët të konsiderohen e trajtohen si qytetarë të Klasit të II-të. Përmes një postimi në rrjetet sociale, ai thekons e shqiptarët nuk duhet të lejojnë kurrë që t’i konsiderojnë e trajtojnë si qytetarë të Klasit të II-të.
“Edi Rama & Lulzim Basha synojnë e punojnë që shqiptarët të konsiderohen e trajtohen si qytetarë të Klasit të II-të !
Sipas PLATFORMES së tyre ;
Për shqiptarët mjafton kjo ekonomi mizerabël,
Për shqiptarët nuk ka nevojë për shtet serioz dhe institucione normale,
Për shqiptarët nuk ka nevojë për standarte demokratike,
Për shqiptarët nuk janë të rëndësishme liria, të drejtat themelore, dinjiteti,
Për shqiptarët nuk janë të nevojshme standartet që gëzojnë popujt & shoqëritë e tjera evropiane.
Mjafton që Rama & Basha të vegjetojnë mbi mjerimin dhe talljen ndaj shqiptarëve.
Shqiptarët të mos lejojnë kurrë që ti konsiderojnë e trajtojnë si qytetarë të Klasit të II-të!
Kurrë, me çdo çmim që të nevojitet !”, shkruan Nishani.
