Partia Demokratike ka akuzuar qeverine dhe Bashkine e Tiranes se edhe ne javen me te veshtire per shkak te koronavirusit, ka shperndare 52 milione euro nepermjet tenderave.
Anetari i Kryesise se PD, Enkelejd Alibeaj ka denoncuar Bashkine e Tiranes e cila ka hapur tenderin per ndertim ne zonen e parkut te liqenit.
ENKELEJD ALIBEAJ
ANETAR I KRYESISE, PD
Sipas të dhënave të publikuara, Bashkia Tiranë ka hapur tenderin për ndërtim tek Garda, në mushkërinë e vetme të qytetit të Tiranës. Të dhënat tregojnë se Bashkia e tiranës po tenderon këtë projekt me një vlerë prej 1.8 milionë euro, duke shtyrë ditën e aplikimit deri në 27 mars 2020. Ndërsa qytetarët janë vendosur në karantim dhe në ankthin për të shpëtuar nga Coronavirusi, virusi i betonimit vazhdon të kafshojë shqiptarët dhe veçanërisht Tiranën.
Sipas PD, edhe pagesat per inceneratoret nuk jane nderprere pavaresisht situates se krijuar nga koronavirusi.
Bashkia Tiranë vazhdon të ketë prioritet pagesat për klientët e saj, duke paguar 700 mijë euro për kompaninë offshore të inceneratorit. Pak ditë më pas, edhe kompania tjetër e inceneratorëve të Elbasanit, zotëruar nga Klodian Zoto, Albtech Energy, ka marrë në 12 mars 2020 nga buxheti i Ministrisë së Infrastrukturës dhe Energjisë dy këste me vlerë totale 800 mijë euro.
Opozita ka publikuar edhe emrat e kompanive te tjera qe kane marre fonde nga shteti ne nje kohe qe vendi eshte ne karantine
Kompania FUSHA shpk e përfshirë në ndërtimin e kullave aty ku sot ndodhet Teatri Kombëtar ka marrë në 12 mars 2020 173 mijë euro (21 mln lekë) nga taksat e shqiptarëve. Kompania e policisë private të Sandër Lleshaj, Illyrian Guard ka shpenzuar nga buxheti i shtetit 62 mijë euro (8 mln lekë). Kompania Salillari shpk ka përfituar në mars 218 mijë euro (26 mln lekë) duke qenë ofertë e vetme, njësoj siç ka përfituar edhe 16 mijë miku i afërt i Ramës, Alban Eftimi, dhe një tjetër tender me vlerë 418 mijë euro (50 mln lekë) të paguar në mars 2020. Përfshirë edhe mbi 6 mijë euro fonde të kaluara për kompaninë e Ilir Beqjes brenda datës 17 mars 2020.
Sipas PD 52 milione euro kane shkuar per kompanite që kanë pasur një ofertë të vetme ose miqve të qeverisë.
