Shqiprim Arifi: Kurti na e ka premtuar, duam reciprocitet në dialogun Kosovë-Serbi

Kryetari i partisë Alternativa për Ndryshim, Shqiprim Arifi, që fitoi zgjedhjet e parakohshme lokale në Preshevë, kërkon reciprocitet në dialogun Kosovë-Serbi.

Për “Zgjedhje 2021” në “Vizion Plus”, ai zbuloi se i ka kërkuar kryeministrit Albin Kurtit që përfaqësuesit e Preshevës të jenë pjesë e delegacionit të Kosovës për bisedime.

“Ne jemi pjesë e atij dialogut në formë të temës., në kërkojmë nga qeveria kurti të jemi pjesë e delegacionit të këtij dialogu sepse ne jemi viktimat konkrete të këtij konflikti. Në parim kemi dakordësi, tani detajet duhet t’i shohim. Në parim jemi dakord që Presheva të bëhet temë përmbajtëësore. Serbët e Kosovës janë pjesë e delegacionit të Serbisë. Në këtë drejtim, është çështje reciprociteti.unë besoj se ndërkombëtarët nuk e kanë problem këtë. A e ka problem Vuçiç apo qeveria e Serbisë, kjo nuk duhet të na interesojë neve.”