Shqipëria mbështet Suedinë dhe Finlandën në rrugëtimin e tyre për t’u bërë pjesë e bllokut të NATO-s.
Nga Pogradeci, ministri i Mbrojtjes, Niko Peleshi deklaroi se politika e dyerve të hapura duhet promovuar, duke marrë parasysh edhe situatën e vendit tonë, i cili kërkon që Bashkimi Evropian ta bëjë pjesë të tij.
NIKO PELESHI
MINISTER I MBROJTJES
“Ne jemi një vend aleat i NATO-s gjithmonë jemi dhe do të jemi në linjën e përgjithshme të Natos dhe partnerit tonë strategjië. Një nga politikat e NATO-s që ne e mbështesim është politika e dyerve të hapura, kështu që Suedia dhe Finlanda janë dy shtete sovrane me standarde të larta demokratike e ushtarake. Dhe ne do ta përkrahim zgjerimin e NATO-s sepse na intereson edhe për qëllimet tona rajonale. Jemi pro politikës së hapur. Ballkani Perëndimor ku ne bëjmë pjesë është në mes të një rrugëtimi drejt integrimit të plotë në strukturat euroatlantike. Ne jemi në mes të rrugës për tu anëtarësuar në BE kështu që na intereson të promovojmë politikën e dyerve të hapura.”
Lufta në Ukrainë, sipas Peleshit, po na fut në një epokë të re dhe ajo për çfarë duhet të mendohet është siguria e që të garantohet kjo, duhet që Ballkani Perëndimor të bëhet pjesë e BE dhe NATO-s.
NIKO PELESHI
MINISTER I MBROJTJES
“Pas 24 shkurtit në të gjitha zhvillimet tona, përfshi procesin integrues në BE duhet të shtohet mbiemri i sigurisë i cili është jo vetëm një tregues për zhvillimet tona demokratike, sociale dhe ekonomike por edhe të zhvillimeve të sigurisë pra një Ballkan Perëndimor i përfshirë tërësisht në BE dhe në Nato përfshi këtu edhe Kosovën dhe Bosnjën do të thotë një siguri më e lartë për rajonin tonë i cili është një rajon i brishtë, brishtësia vjen së pari politika e dyerve të hapura nuk ka gjetur zbatim në rajonin tonë. Ne jemi mbështetës së zjarrtë të politikës së dyerve të hapura të Natos dhe BE edhe për shkaqet tona të brendshme dhe rajonale.”
Në mes të pasigurisë për shkak të luftës, Shqipëria ka bërë kërkesë për raketa moderne anti-tank “Javelin”. Por ministri i Mbrojtjes thotë se kjo lëvizje nuk lidhet me ndonjë kërcënim të mundshëm për sigurinë e vendit tonë.
NIKO PELESHI
MINISTER I MBROJTJES
“Është në kuadrin e modernizimit të FA , rritjes se kapaciteteve tona që Shqipëria ka ne raport me NATO-n, sistemi raketor anti tank Javelin i cili po prodhohet nga kompania amerikane Lokit Martin, është e vertetë që ne kemi porosinë tonë aty si pjesë e rrugëtimit tonë të rritjes së kapaciteteve të FA-së. rritjes së sigurisë dhe mbrojtjes së integritetit territorial të vendit tonë. Nuk është se ka lidhje me ndonjë kërcënim që të mos krijojmë panik.”
Përsa kohë Shqipëria është anëtare në NATO, sipas Peleshit, e ka të zgjidhur çështjen e sigurisë kombëtare dhe është një vend i mbrojtur.
