Pas evidentimi te vatrave të reja të zjarrit në disa qarqe të vendit që kanë shkrumbuar qindra ha pyje drejtori i Agjencisë Kombëtare të Mbrojtjes Civile, Haki Çako, ka bërë një deklaratë për median . Sipas cakos, vetëm në muajin korrik janë evidentuar 168 vatra zjarri.
HAKI ÇAKO
DREJTORI I AGJENCISË KOMBËTARE TË MBROJTJES CIVILE
Nga muaji Janar deri në Korrik janë evidentuar 329 vatra zjarri, ku vetëm për muajin korrik janë evidentuar 168 vatra zjarri. Në total ne gjithë Shqipërinë janë djegur 598 hektarë duke përfshirë dhe 2419 rrënjë ullishte dhe 217 rrënjë pemëtarie.
Cako ka sqaruar se shumica e zjarreve janë të qellimshme.
Shkaqet e rënies së zjarreve natyrisht janë temperaturat e larta por nuk ka munguar neglizhenca, pakujdesia e banorëve të zonës dhe në shumë raste ka qene zjarrvënie e qëllimshme, për të cilët policia e shtetit po heton dhe gjej rastin ta inkurajoj për intensifikimin e punës për gjetjen dhe kapjen e autorëve të vënies së zjarreve.
Bashkitë të cilat kërkojnë menjehere ndërhyrjen e Forcave të Armatosura pa i ezauruar kapacitetet e tyre do të ndeshkohen.
Ndërkohë që disa bashki janë angazhuar maksimalisht në përballimin e zjarreve si me mjete ashtu dhe me njerëz disa prej tyre ende sot nuk po përdorin tërësinë e aseteve të deklaruara për çështje të mbrojtjes ci vile. Në bazë të ligjit të ri, AKMC si strukturë koordinuese ju rikujton bashkive që nuk zbatojnë ligjin se do të përballen me penalitete për çdo rast, kur nuk respektojnë dispozitat ligjore për përballimin e emergjencave civile.
Kete te hene janë raportuar zjarre në Seman të Fierit, në Nikël të Krujës, ne malin e Shëngjinit, Torovicës, Kakarriqit ,në Katundin e vjetër në Mirditë si dhhe në zonën malore të fshatit Zhulat në Gjirokastër.
